Planvoludi ar Institut d'Aran

INICI DE CORS 2010 - 2011

2010-08-31T09:06:35Z

Planvoludi pairs e mairs,

Començam un cors mercat per fòrça cambis: un institut reabilitat integraument, era aplicacion dera LEC (Lèi Educacion de Catalonha), eth nau calendari escolar, era digitalizacion des aules entàs escolans de 1èr e 2au dera ESO, e d’auti aspèctes qu'explicaram pendent eth cors.

Er esfòrç de toti es agents dera comunautat educatiua a segut subergessenta entà qu´ es vòsti hilhs/es siguen ena disposicion de gaudir d'un ensenhament ara nautada des expectatiues. Per açò, aguest cors er institut d’Aran tanben aplicarà eth Plan Estrategic dessenhat pendent aguesti dus darrèri ans, e se someterà a diuèrses auditories qu´an de certificar era Qualitat deth Centre.

Deishant de costat aguesti tèmes e d'auti que seràn comentadi enes diferentes charrades informatiues damb es familhes pendent eth principi de cors, vos comunicam a trauèrs d'aguest escrit ua sèrie de punts que consideram fòrça importanti:

Entà toti es escolans, pendent era prumèra semana de classa, eth tutor deth vòste hilh/a recuelherà er impòrt de 5 èuros en concèpte peth servici de missageria SMS.

Sus eth Projècte Educat 1x1 (ordenadors portatils): Eth Centre a de recéber pendent aguesta semana es cartes de pagament (subvencion de 150 èuros) des ordenadors portatils entàs escolans de 1èr dera ESO, e es escolans de naua incorporacion de 2au dera ESO. En moment que ne disposam vos convocaram entà balhar-les e explicar coma se realize eth procediment de crompa der ordenador.

Totun, entàs escolans de 1èr e 2au dera ESO vos informaram eth brèu sus era crompa des libres digitaus, que se realizarà a trauèrs dera Plataforma Virtuau ATRIA.

Vos arregraïm era vòsta collaboracion, e profitam entà desirar-vos un bon cors escolar.

Corauments,

Manel Serrabona
Director der Institut d'Aran

VENDA DE LIBRES DE TÈXTE CORS 2010 - 2011

2010-08-25T20:09:03Z

Vos comunicam que er AMPA der INS D’ARAN realizarà era venda de libres deth pròpléu cors cors 2010/2011 ena sedença der INSTITUT d'ARAN.

Es dies de venda seràn es següenti:

DIMARS 31 Agost: 1èr. e 2au. ESO.
DIMERCLÈS 1 Seteme: 1èr. 2au. 3au. e 4au. ESO.
DIJAUS 2 Seteme: 3au. 4au. ESO, e BACHELIERAT
DIUENDRES 3 de Seteme: BACHELIERAT

En cas de germans en d’auti cicles, podetz crompar es libres eth madeish dia.

ORARI: de 16:30 ores a 19:30 ores
LÒC: INS d’ARAN (SALA AMPA, ath cant de Direccion)

REMÈRQUES:
En tot crompar es libres, auetz d’entregar eth formulari damb es donades des escolans.

Telf. i mail de contacte: 699.973.533 // ampaiesdaran@yahoo.com

RELACION DE LIBRES DE TEXTE CORS 2010 - 2011 (archiu pdf)

BON OSTIU A TOTI!

2010-07-02T03:57:10Z

BON OSTIU A TOTI !!

ETH PROJECTE LINGÜISTIC DER INSTITUT D'ARAN

2010-07-02T03:50:16Z

En passat Consell Escolar s'aprovèc eth nau projecte lingüistic der Institut d'Aran.

Ac poderatz liéger en apartat dera web: "Eth Centre" > "Documents interns" > "Projecte lingüistic".

VIELHA LAN PARTY 2010

2010-06-24T20:44:39Z

PROGRAMA:

Diuendres 25 de junh

18,00 ores. Inauguracion a cargue deth Plan Illtre. Sr. Pau Perdices, Alcalde de Vielha e Mijaran.

18,45 ores. Conferéncia inaugurau: “Lei organica de Proteccion de Dades” ena Sala de plens der Ajuntament de Vielha e Mijaran.

20,00 ores. Presentacion naua web de tecnologia der Ajuntament de Vielha e Mijaran. Ena Sala de Plens der Ajuntament de Vielha e Mijaran.

20,15 ores. Presentacion en exclusiva deth vidèu “VIELHA DIGITAU” ena Sala de Plens der Ajuntament de Vielha e Mijaran.

Dissabte 26 de junh

11,30 ores. Presentacion programa QUALIFICA’T a cargue deth Sr. Francisco Robles, Coordinador Cicles Formatius de Informatica e Administratiu der Institut d’Aran. Aurà lòc ena Sala de Plens der Ajuntament de Vielha e Mijaran

17,00 ores. Talhèr “Auditoria de redes inalámbricas” ena Sala Polivalent a cargue des alumnes des Cicles Formatius de Administratiu e Informatica der Institu d’Aran.

Dimenge 27 de junh

13,00 ores. Clausura dera dusau edicion de LAN PARTY VIELHA 2010

REVISTA DER INSTITUT: "TOT DE TOTI"

2010-06-22T07:24:43Z

ER INSTITUT D'ARAN UN AUTE CÒP EN TV3

2010-06-14T13:39:19Z

ÒRARIS EXTRAORDINARIA ENA ESO

2010-06-12T07:01:05Z

CALENDARI E ÒRARIS DERA EXTRAORDINARIA ENA ESO (CLICK)

HÈSTA DERA GRADUACIÓN EN INSTITUT D'ARAN

2010-06-03T07:34:35Z

El proper divendres 4 de juny celebrarem la Festa de la Graduació per a tots els estudiants de l'Institut d'Aran. La festa es realitzarà en l'Església de Vielha Mijaran a partir de les 12h.

Des d'aquestes línies convidar-vos a tots/es a gaudir de l'assoliment d'una gran fita.

HÈSTA de FINAU de CORS (AMPA)

2010-06-01T21:00:00Z

Er AMPA IES d’ARAN auferís entà toti es alumnes, professors e professores der IES ua HÈSTA de FINAU de CORS, eth pròplèu dijaus 3 de junh tàs 17:00 or. ena Sala Poliventa de Vielha, damb un vrespalh entàs assistents e era actuacion de tres grops de musica de diferenti estils, des deth hip hop enquiath reggae e ska, en tot passar pera romba electrica.

Es actuacions comencen damb eth grop “SIN HIP HOP NO HAY CREW”, qu’ei un grop de joeni dera Val d’Aran. Ara seguida veiram eth nau espectacle MALAKATON deth grop de romba electrica “SOTAZERO”, e per se voletz mès marcha contunharam damb eth grop “ LA LIMONCELLO ”, guanhadors deth concors Rock a l’Ascensió 2010. Demoram era vòsta assisténcia

Era entrada ei gratuita e era Hèsta acabarà entàs 21:30 or. Entàs alumnes que non ètz de Vielha, e se es vòsti pairs non pòden vier a cerca-vos, auetz era opcion deth bus (prètz 1,10 €), que ges direccion NAUT ARAN entàs 20:15 or. e 22:15 or., e direccion LES entàs 21:00 or. e 22:15 ores.

En gésser der institut, vene tara Sala Poliventa ………………Non t’ac pòs perder!